
Ti pari/
Ca ti pungi/
Ma nun è veru /
Ca cammisedda/
Tutta abbuttunata/
Ma si la rapi/
Vidi chi surprisa/
Di dintra sugnu /
Tutta ‘nzuccarata/
Si sulu tu mi sfiori/
Cu duj ita/ E mi manìi/
Cu modu delicato/
T’adduni/
Ca i me’ spini /
Sunnu ‘i difisa /
Sulu pi cu è/
Malaccriatu/
E poi/
ju nà sciu/
c’un sciuri/
‘ncapu a vucca/
ca è giallu/
russu/
virdi/
favulusa/
e mentri crìsciu /
supra’na palidda/
‘nsemi a le me’ suruzzi/
stritta stritta /
mi guarda/
‘na gran fila/
 ‘i surdateddi/
Quannu/
‘nmanu tu/
mi pigli/
 chi gran prufumu/
acchiana da me’ purpa/
sugnu adurusa/
bedda/
sciacquariata/
e china/
tutta ‘i spini/
ma nun haju curpa/
Di li sarbaggi/
sugnu la rigina/
Vuliti lu me’ nomi/
Ficudìnia/
cu li spuntuna longhi/
e affilateddi/
Ti pà ciu/
Geppina Macaluso